Ил Дархан Айсен Николаев «Muus uSTAR» бэстибээлгэ ыалдьыттаата

Бөлөххө киир:

Бүгүн, кулун тутар 26 күнүгэр, «Muus uSTAR» бэстибээли түмүктүүр дьоро киэһэҕэ СӨ Ил Дархана Айсен Николаев ыалдьыттаата. Кини суруналыыстарга тэрээһин туһунан санаатын үллэһиннэ.

— Трек элбээбитэ, оскуола оҕолоро айар үлэҕэ уонна саҥа хайысхаларга талааннарын сайыннараллара үөрдэр. Бэстибээл оруола үөрэтэр соруктаах. Бастакыттан даҕаны бу бэстибээл ыччаты уһуйар, билиитин хаҥатар соруктаах диэн былааннаммыта. Таһымы үрдэтэргэ, бастатан туран, үөрэниэххэ наада. Мин тэрийээччилэргэ махталбын тиэрдиэм этэ, номнуо иккис сылын олус үрдүк таһымнаахтык ыытыллар. Арассыыйа таһымнаах «сулустар» кэлэн маастар-кылаастары ыыталлар, тэрээһиммитигэр көхтөөхтүк кытталлар. Успуорт, наука, култуура эйгэтэ биһиги ыччаппытын байытар, сайыннарар. Биһиги сөптөөх суолу тутуһабыт диэн санааҕа кэллибит.

Ольга Грищенко, «Muus uSTAR» бэстибээл тэрийээччитэ:

— Билигин түмүктэри таһаарарга арыый эрдэ. Өссө наҕаарадалыахпыт. Бэстибээл тректарын ахсын олус элбэх сайаапка киирдэ. Ыччат, дьон-сэргэ олус сэргиир эбит. Бу сылга интэриэс улаатта. Ыстааппытын уон төгүл үрдэттибит. Былырыыҥҥыга холоотоххо элбэх «сулус», элбэх трек, элбэх ыччат кытынна. Саха сирин ыччата федеральнай ханаалларга тахсан сэргэх бырайыактарын билиһиннэриэхтэрэ диэн номнуо күүтэбит уонна эрэнэбит. Манна кэлбит хедлайнердар Саха сирин ыччата сэргэҕин, инникилээҕин уонна олус сайдыылааҕын бэлиэтээтилэр.

Ульяна ЗАХАРОВА.

Ааптар хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0