Ил Дархан Айсен Николаев Евгений Зиничевы кытары ойуур баһаардарын тула кэпсэттилэр
Бэҕэһээ, муус устар 27 күнүгэр, Ленскэй оройуонугар ыытыллыбыт сүбэ мунньахха ойуур баһаардара турар кэмнэригэр ыксаллаах быһыыны-майгыны сэрэтэргэ уонна туоратарга биир кэлим судаарыстыбаннай систиэмэ (РСЧС) Саха сиринээҕи звенотун үлэтин, салайар уорганнар бэлэмнэрин туһунан боппуруоһу дьүүллэстилэр. Сүбэ мунньаҕы РФ ЫБММ миниистирэ Евгений Зиничев ыытта.
Өрөспүүбүлүкэҕэ экэниэмикэ уонна социальнай инфраструктура эбийиэктэрин баһаартан харыстыыр сыалтан ойуур баһаардарын умуруорууга анал былаан оҥоһуллан бигэргэммит. Ыксаллаах быһыыны-майгыны сэрэтэргэ уонна туоратарга биир кэлим судаарыстыбаннай систиэмэ (РСЧС) Саха сиринээҕи звенотун састаабыгар 8 601 киһи, 1 415 техника уонна 48 авиационнай техника киирбит.
«Сохранение лесов» эрэгийиэннээҕи бырагыраамаҕа олоҕуран, эрэгийиэҥҥэ уопсайа 199 мөл. солк. суумалаах 203 анал техника уонна оборудование аҕалыллыахтаах.
Ил Дархан Айсен Николаев кэлиҥҥи үс сылга Арктика оройуоннарыгар ойуур баһаардара элбээн, Дьааҥы Баатаҕайыгар 30 киһилээх авиаотделение тэриллиэхтээҕин туһунан эттэ.
СӨ Ил Дарханын уонна Бырабыыталыстыбатын пресс-сулууспата
+1
+1
+1
+1
+1
+1
+1