РФ Бэрэсидьиэнэ Владимир Путин Ил Дархан Айсен Николаев этиилэрин өйөөтө

Ааптар: 
Бөлөххө киир:

РФ Бэрэсидьиэнэ Владимир Путин РФ Бырабыыталыстыбатыгар бэс ыйын 10 күнүгэр дойду үрдүнэн буола турар ойуур баһаардарын аччатар миэрэлэр бырайыактарын толкуйдуурга соруйда. Тустаах докумуон бэс ыйын 3 күнүгэр Кремль саайтыгар таҕыста.

Манна сурулларынан, РФ Бырабыыталыстыбата СӨ Ил Дарханын кытта 2022 сылга Саха сиригэр ойуур баһаардарын умуруорар сыаллаах сөҥүүнү искусственнайдык ыҥырарга эксперимент ыытары тэрийэллэригэр сорулунна.

Бу сыл ахсынньы 15 күнүгэр үлэ түмүгэ дакылааттаныахтаах. Эппиэтинэстээхтэринэн РФ Бырабыыталыстыбатын бэрэссэдээтэлэ Михаил Мишустин уонна СӨ Ил Дархана Айсен Николаев буоллулар.

Ил Дархан Айсен Николаев ыам ыйын 10 күнүгэр дойду бэрэсидьиэнин кытта видео-сибээһинэн мунньахха кыттыбыта. Бу мунньахха өрөспүүбүлүкэҕэ буолар ойуур баһаардарын утары үлэҕэ бэйэтин этиилэрин киллэрбитэ.

+1
0
+1
0
+1
0
+1
0
+1
0
+1
0
+1
0