Ил Дархан Айсен Николаев: «Элбэх киһи баар сиригэр коронавирус өрө көбөн тахсар»
07.05.2020
Ил Дархан Айсен Николаев бүгүҥҥү брифиҥҥэ (07.05.2020) элбэх киһи баар сиригэр коронавирус дьаҥа өрө көбөрө бэлиэтэнэрин эттэ.
—Кэнники хонукка Дьокуускайга коронавирус дьаҥар хаптарбыт 35 киһиттэн, отута ХИФУ устудьуона, икки киһи куораттааҕы харах балыыһатыгар буоларын анаалыс көрдөрдө. Көстөрүн курдук, бу дьаҥ элбэх киһи баар сиригэр тарҕанара көһүннэ. Онон дьаҥы бохсорго үлэ өссө күүһүрүө, — диэтэ.
Коронавирус дьаҥын бохсорго хонтуруол кытаатыаҕын эттэ. Ол инниттэн, бары тэрилтэлэр, доруобуйа харыстабылын, үөрэх кыһатын салайааччыларыгар эппиэтинэс өссө үрдүөҕүн, ирдэбил улаатыаҕын тоһоҕолоото.
+1
+1
+1
+1
+1
+1
+1