Саха сирин күндү олохтоохторо!
Нуучча тылын норуоттар икки ардыларынааҕы күнүнэн итии-истиҥ эҕэрдэбин тиэрдэбин.
Холбоһуктаах нациялар тэрилтэлэрин быһаарыытынан 2010 сыллаахтан А.С.Пушкин төрөөбүт күнүгэр нуучча тылын күнэ аан дойду үрдүнэн бэлиэтэнэр. 2011 сылтан бу күн биһиги дойдубутугар судаарыстыбыннай бырааһынньык быһыытынан бэлиэтэнэр. Бу тэрээһин нуучча тыла биһиги судаарыстыбабытыгар уонна аан дойдуга сүдү суолталааҕын көрдөрөр.
Арассыыйа олохтоохторо бары кэриэтэ, омугуттан, итэҕэлиттэн тутулуга суох нуучча тылын билэллэр. Биһиги бары үйэттэн үйэҕэ, киэҥ далааһыннаах дойдубут үрдүнэн, Арассыыйа норуоттарын түмэр сүрүн судаарыстыбыннай тылбытын ис сүрэхпититтэн таптыыбыт!
Нуучча тыла ООН алта официальнай тылларыттан биирдэстэрэ буолар, кини мөлүйүөнүнэн ахсааннаах дьон бэйэ-бэйэлэрин өйдөһөллөрүгэр көмөлөһөр, биһиги улуу дойдубут устуоруйатын уонна духуобунаһын араарыллыбат аҥаарынан буолар. Нуучча тыла биһиги бары харыстаан, кэлэр көлүөнэҕэ бэлэх уунуохтаах ураты баайбыт-дуолбут буолар!
Күндү доҕоттор! Бу ураты күҥҥэ барыгытыгар ситиһиилэри, бары үтүөнү баҕарабын!
Саха Өрөспүүбүлүкэтин Ил Дархана А.С.Николаев