Ил Дархан Айсен Николаев «Доҕордоһуу уордьанынан» наҕараадаланна

Дойду бэрэсэдьиэнэ Владимир Путин СӨ Ил Дарханын Айсен Николаевы «Доҕордоһуу уордьанынан» наҕараадалаата. Бу туһунан Айсен Николаев «Телеграмҥа» суруйда.

«Дойдубут бэрэсэдьиэнигэр үлэбин үрдүктүк сыаналаабытын иһин махтанабын. Төрөөбүт Сахам сирэ уонна бүтүн Арассыыйа туһугар үлэ миэхэ өрүү инники күөҥҥэ сылдьар”, — диэн Ил Дархан суруйбут.

Бэлиэтээн суруйдахха, былырыын сэтинньи 24 күнүгэр Владимир Путин ыйааҕынан маннык наҕарааданы үөрүүлээх быһыыга-майгыга СӨ Ил Дархана Айсен Николаев «Саха сирин тимир суоллара» Акционернай хампаанньа генеральнай дириэктэригэр Василий Шимохиҥҥа туттарбыта.