Ил Дархан Айсен Николаев Чурапчы улууһун баһылыгынан талыллыбыт Степан Саргыдаевы эҕэрдэлээтэ

Бэҕэһээ, ахсынньы 12 күнүгэр, Чурапчы улууһун баһылыгын быыбара буолла. Чурапчылар улуус баһылыгынан Степан Саргыдаевы таллылар.

Быыбарга барыта 8989 быыбардааччы кыттыыны ылла. Улуус баһылыгар уопсайа биэс хандьыдаат турбута.

Олохтоохтор баһыйар үгүс куоластарын, ол эбэтэр 62, 74%-ы (5640 куолаһы) Степан Анатольевич Саргыдаевка биэрдилэр.

Атын хандьыдааттарга: Николай Поповка – 24, 64% (2215), Илья Николаевка – 11, 84% (1065), Роман Егоровка – 23 киһи, Евгений Негнюровка – 12 киһи куоластаата.

Ил Дархан Айсен Николаев баһылыгынан талыллыбыт Степан Саргыдаевы «Инстаграм» социальнай ситимҥэ эҕэрдэлээтэ:

— Степан Анатольевич Саргыдаевы Чурапчы улууһун баһылыгынан талыллыбытынан эҕэрдэлиибин! Эрэллээх кыайыы Степан Анатольевичка биир дойдулаахтара эрэнэллэрин туоһулуур. Салайааччы быһыытынан баай уопута, дьыалабыай уонна тус хаачыстыбалара олохтоохтор тустарыгар төрөөбүт улууһун сайыннарарыгар көмө буолуохтара.