Бүгүн Ил Дархан Айсен Николаев «Саха НКИК”, “ Якутия 24» ханааллар нөҥүө быһа эпииргэ тахсан тохсунньу ый түмүктэрин иһитиннэриэҕэ.
Бырагыраамма сүрүн тиэмэтинэн нэһилиэнньэ коронавирус дьаҥыттан хайдах харыстаныытын, мэдиссиинэ тэрилтэлэрин үлэлэрин, доруобуйа харыстабылын инфраструктуратын систиэмэтин сайыннарыы, саҥардыы уонна мэдиссиинэ каадырдарын бэлэмнээһин туһунан буолуоҕа.
Ил Дархан өрөспүүбүлүкэ бүддьүөтүн, социальнай наадалаах ороскуоттар уонна бастакы «100 сыл оҕолоро», оҕолордоох дьиэ кэргэттэри өйүүр туһунан иһитиннэриэҕэ. Федерация Сэбиэтин спикера Валентина Матвиенконы кытта көрсүһүү уонна Саха сиригэр РФ экологиятын уонна айылҕа ресурсатын миниистирин Алексанр Козлов кэлэн барбытын түмүктэрин туһунан буолуоҕа. Маны сэргэ, өрөспүүбүлүкэ 100 сыллаах үбүлүөйүн уонна МС-21 сөмөлүөтү Саха сиригэр тургутуу туһунан сырдатыаҕа.
Эпиири киэһэ 21.00 чааска «Саха» НКИХ, “Якутия 24» ханаалларга көрүөххэ сөп.
+1
+1
+1
+1
+1
+1
+1