Ил Дархан Айсен Николаев Арассыыйа бэрэсидьиэнигэр хадатаайыстыба ыытта

СӨ Ил Дарханын уонна Бырабыыталыстыбатын пресс-сулууспата иһитиннэрбитинэн, Ил Дархан Айсен Николаев  Арассыыйа бэрэсидьиэнигэр, «Кыайыы» тэрийэр хамыыһыйа бэрэссэдээтэлигэр Владимир Путиҥҥа, Дьокуускай куоракка «Килбиэннээх үлэлээх куорат » диэн бочуоттаах аатын иҥэрэр туһунан хадатаайыстыба ыыппыта.

Бэлиэтээн этэр буоллахха, Владимир Путин куораттарга бочуоттаах ааты иҥэрии туһунан этиитин  олунньу 26 күнүгэр Судаарыстыбаннай Дума өйөөбүтэ. Ыам ыйын 12 күнүгэр Арассыыйа наукаларын академията  Дьокуускай куорат бу бочуоттаах ааты ылара оруннааҕын туһунан бигэргэппитэ. Маныаха, Улуу Кыайыыны уһансыыга Дьокуускай куорат олохтоохторо, тэрилтэлэрэ сыралаах үлэлэрин туоһулуур докумуоннар уонна наҕараадалар бааллара онно тирэх буолар. Түмүктээх быһаарыы » Кыайыы» тэрийэр хамыыһыйа мунньаҕар ылыллыа.

Ульяна Захарова.