Ил Дархан Айсен Николаев  Алдан оройуона  2030 сылга диэри сайдыытын туһунан ыйаахха илии баттаата

Ааптар: 
Бөлөххө киир:

Бүгүн Алдан куоракка Өрөспүүбүлүкэ Аҕа баһылыга Айсен Николаев  «Саха Өрөспүүбүлүкэтин Алдан оройуона 2030 сылга диэри сайдыытын туһунан» ыйаахха илии баттаата.
Бу докумуонҥа  Алдан улууһун сайдар хайысхалара  торумнанна. Маны таһынан,1941-1945 сылларга Аҕа дойду Улуу сэриитин саҕана  тыылга үлэлээбиттэри үйэтии үлэтэ барыаҕа.

Ыйаахха олоҕурбут докумуон Саха сирин соҕуруу эҥэринээҕи промышленнай салаатын сайдыытын  түргэтитиэҕэ. Аҕыйах ахсааннаах норуоттар үгэс буолбут  олохторун укулаатын харыстааһыҥҥа болҕомто ууруллуоҕа. Ыйаах Алдан куората уонна оройуон бөһүөлэктэрин тупсарыыы үлэтин сүрүннүөҕэ. Социальнай, транспортнай, хомунаалынай уонна энергетическэй инфраструктура түргэн тэтимнээхтик сайдыаҕа,

Маны таһынан, агропромышленнай комплекс сайдыыта түргэтиэҕэ. Бэйэ бородууксуйатын оҥорон таһаарыыга оройуоҥҥа сөптөөх усулуобуйа баар.  

Алдаҥҥа  көмүһү  хостооһуҥҥа эрэ буолбакка, айылҕа гаһын, аммиак, аммиачнай селитраны, минеральнай  удобрениены, синтетическэй мотуор оттугун, тимир урууданы хостооһуҥҥа туһуламмыт  промышленный кластер тэриллиэҕэ. Ойууру таҥастааһын  кээмэйэ сылга 300 тыһыынча куубка тиийиэҕэ. Оройуон куораттарын уонна бөһүөлэктэрин гаастааһыны былаанныыбыт. 15 км олорор дьон олорор пууннарын икки ардыларыгар уонна 47 км уулусса суолларын оҥоруу соруга турар. Кэккэ хомунаалынай инфраструктура эбийиэктэрэ тутуллуохтара. 

Алданнааҕы медкэллиэс баазатыгар орто анал үөрэхтээһин аныгы киини аһар былаан баар.  Уонча доруобуйа харыстабылын, үөрэх, култура уонна спорт эбийиэктиэрин тутуу барыаҕа. Кыһыҥҥы спорт көрүҥнэригэр өрөспүүбүлүкэтээҕи спортивнай оскуола улахан өйөбүлү ылыаҕа. 

2022   сыл тохсунньу 1 күнүнээҕи туругунан  хаарбах туруктаах олорор дьиэ ахсааныгар киирбиттэр көтүллүөхтэрэ. 165 уопсастыбаннай эйгэ тутуллуоҕа. 

  Оройуон баһылыгын хамаандатын кытта бииргэ үлэлэһэн, бары сорукпут кэмигэр туолуохтарыгар эрэнэбин.  Маныаха промышленнай тэрилтэлэр уонна олохтоохтор бэйэлэрин  өйөбүллэрэ олус наада.  Оччоҕуна Алдан оройуона өссө тэтимнээх сайдар суолга турунуоҕа. Көмүстээх Алдан олохтоохторо бу ыйаах туолуутун түмүгэр олохторо тупсуоҕа, —  диэн бэлиэтээтэ Айсен Николаев.

Елена ПОТОЦКАЯ, «Саха сирэ» хаһыат.

Хаартыска — СӨ Бырабыыталыстыбатын уонна Ил Дархан пресс-сулууспатын порталытан.

+1
0
+1
0
+1
0
+1
0
+1
0
+1
0
+1
0