Бүгүн, бэс ыйын 27 күнүгэр, СӨ Ил Дархана Айсен Николаев Нерюнгри оройуонугар үлэлиир.
Оробуочай сырыыга Ил Дархан «Нерюнгри» аэропуорка реконструкция үлэтин, куоракка уу ханаалын ыстаансыйатын уонна Чульман бөһүөлэккэ суол учаастагын аспааллааһын үлэтин көрүө-истиэ.
Күн бастакы аҥаарыгар Айсен Николаев «Инаглинскай» хайаны байытар кэмбинээт, «Колмар» чоҕу хостуур хампаанньа эбийиэктэригэр сылдьар. «Инаглинскай» шахта тутуута уонна 12 мөлүйүөн туонна чоҕу оҥорон таһаарар кыахтаах «Инаглинскай-2» фабрика үлэҕэ киирэллэрэ чугаһаата.
Маны таһынан, Айсен Сергеевич Нерюнгрига оҕо поликлиникатыгар сылдьыаҕа, олорор саҥа дьиэ бастакы тааһын уурууга кыттыаҕа, Аҕа Дойду сэриитигэр анаммыт өйдөбүнньүккэ сибэкки дьөрбөтүн ууруоҕа уонна коронавируһунан суһал штабы кытта мунньахтыаҕа.
Ил Дархан уонна бырабыыталыстыба дьаһалтатын пресс-сулууспата.
Андрей Сорокин хаартыскаҕа түһэриитэ.