Сүрүн Экэниэмикэ

Ил Дархан Айхаллааҕы хайа-байытар кэмбинээт үлэтин билистэ

Ил Дархан Айсен Николаев  бэҕэһээ Мииринэй оройуонугар  оробуочай сырыытыгар,  Айхаллааҕы хайа-байытар фабрика үлэтин билистэ.  14 №-дээх  Айхаллааҕы хайа-байытар  кэмбинээт 1996 сылтан үлэлиир, сылга 10 мөлүйүөн туонна руданы  хостоон байытар аналлаах.

«Айхаллааҕы хайа-байытар кэмбинээккэ 3000 кэриҥэ киһи үлэлиир буолан, эбийиэк куорат сайдыытын иилээччи-саҕалааччы буолар. Итини тэҥэ,  хайа-байытар фабрикаҕа 200 кэриҥэ киһи  үлэлиир. Кэмбинээт АЛРОСА хампаанньа  хостуур алмааһыттан 27 %-нын толорор», – диэн  Айсен Николаев быһаарар.

2020 сыл түмүгүнэн,  фабрика  7,6 мөлүйүөн туонна руданы обработкалаабыт, 8 мөлүйүөн карат-алмааһы хостообут.   25 сыл устатыгар 14 №-дээх фабрика 225 мөлүйүөн туонна  алмаас рудатын обработкалаабыт, 150 мөлүйүөн карат-алмааһы хостообут, ол суумата 12 миллиард долларга тэҥнэһэр.

Фабрикаҕа саҥа технология өрүү туһаныллар. Ол курдук, бу сыл кулун тутарыгар  алмааһы ылгыыр хаачыстыбаны тупсарар инниттэн сепарация диэн ньыманы туһанан саҕалаабыттара.  Итини тэҥэ, тустаах эбийиэк хвостохранилищетыгар  эрэсиими таһынан ыксаллаах балаһыанньа тахсыбатын инниттэн  оҥорон таһарыы  бырассыаһа кытаанах хонтуруолга ылыллыбыт.

edersaas.ru

 

0
0
Telegram @edersaas20