Саха сирин күндү олохтоохторо, Сэрии уонна тыыл бэтэрээннэрэ, аҕам саастаах ытык дьоммут! Саха сирин өрөспүүбүлүкэтин салалтатын уонна тус бэйэм ааппыттан ис сүрэхпиттэн Аан дойду үрдүнэн Аҕам саастаахтар күннэринэн эҕэрдэлиибин!
Эһиги үтүө үгэстэри салҕаан уонна тэнитэн, өрөспүүбүлүкэ экэнэмиичэскэй уонна социальнай сайдыытыгар сыралаах үлэҕитинэн сүҥкэн кылааты киллэрбит үтүө өҥөлөөххүт! Төрөөбүт дойдугутугар тапталгыт, эрэлгит, итэҕэлгит уонна инникигэ эппиэтинэстээх сыһыаҥҥыт барыта үүнэр көлүөнэҕэ үтүө холобур буолар. Ыччат өй-санаа өттүнэн үүнэригэр олук уурар. Биһиги эһиги хорсун быһыыгытыгар, эйэлээх олоххо олорор дьолбутугар махтанабыт. Эһиги олоххо баай уопуккут, мындыр, олоххо көхтөөх быһыыгыт өрүү өйөбүл буолуоҕа. Биһиги судаарыстыбабытыгар аҕам саастаахтарга кыһамньы өрүү инники күөҥҥэ сылдьар. Национальнай бырайыактар чэрчилэринэн социальнай тутуулар, хаачыстыбалаах мэдиссиинэ өҥөтө тупсар, сайдар. Ол барыта аҕам саастаахтарга оҥорор көмөбүт хаачыстыбатын тупсарарга туһуланар.
Улуу Кыайыы 75 сыллаах үбүлүөйэ быйылгы сылбыт бэлиэ сыла буолар. Эһиги күүстээх, модун санааҕыт бу быстах кэмнээх уустуктары, пандемия кэмин аһарынарбытыгар көмөлөһүөҕэ.
Чэгиэн доруобуйаны, күүстээх санааны, көхтөөх, уһун олоҕу! Чугас дьоҥҥут тапталлара, истиҥ сыһыаннара санааҕытын кынаттаатын!
Ытыктабылы кытта СӨ Ил Дархана Айсен Сергеевич Николаев.