Ил Дархан ХИФУ бэрэсидьиэнин Бочуот уордьанынан наҕараадаламмытынан эҕэрдэлээтэ

Саха сирин Ил Дархан Айсен Николаев М.К.Аммосов аатынан Хотугулуу-Илиҥҥи федеральнай университет бэрэсидьиэнэ Евгения Михайлова Бочуот уордьанынан наҕараадаммытынан эҕэрдэлээтэ.

Евгения Исаевна Бочуот уордьанынан наҕараадаланарын туһунан дойду бэрэсидьиэнэ Владимир Путин ыйааҕа бэҕэһээ, алтынньы 14 күнүгэр, тахсыбыта.

«Евгения Исаевна Михайлованы судаарыстыбаннай үрдүк наҕарааданы — Бочуот уордьанын ылбыккынан эҕэрдэлиибин. Бу эн научнай-педагогическай үлэҥ, үрдүк бэлэмнээх каадырдары иитэн таһаарыыҥ, өрөспүүбүлүкэбит туһугар элбэх сыллаах үтүө суобастаах үлэҥ иһин үтүөлээх наҕараада буолар«, — диэн Айсен Сергеевич «Инстаграмҥа» эҕэрдэлээтэ.

edersaas.ru

Хаартыска — СИА.