Сүрүн Уопсастыба

Ил Дархан от ыйынааҕы ыйааҕыгар уларытыылар киирдилэр

Саха сирин Ил Дархана Айсен Николаев от ыйын 1 күнүгэр тахсыбыт 1293 №- дээх коронавирус дьаҥа тарҕаныытыгар үрдүк бэлэмнээх буолуу туһунан ыйааҕар бэҕэһээ, алтынньы 9 күнүгэр, уларытыылар киирдилэр.

edersaas.ru

Ыйаах саҥа балаһыанньаларыгар маннык ирдэбиллэр сурулуннулар:

— бары судаарыстыбыннай уонна чааһынай тэрилтэлэр нэдиэлэҕэ биирдэ  үлэтин дезинфекциялыыр тэриллэри туһанан генеральнай уонна санитарнай сууйууну-сотууну ыытыахтаахтар;

— 400 кв.м. иэннээх атыылыыр сирдээх, кууһунан уонна биирдиилэнн эргиэнинэн дьарыктанар тэрилтэлэр сууйуу-сотуу тэрээһиннэрин бэнидиэнньиккэ 08.00 чаастан 12.00 чааска диэри тэрилтэни сабан туран ыытыахтаахтар;

— 400 кв.м. кыра атыылыыр сирдээх тэрилтэлэр сууйуу-сотуу тэрээһиннэрин баскыһыанньаҕа 08.00 чаастан 12.00 чааска диэри тэрилтэни сабан туран ыытыахтаахтар.

— атын тэрилтэлэргэ эрдэ ыйыллыбытын курдук сууйуу-сотуу тэрээһинэ өрөбүл күн ыытыллар.

Маны таһынан Айсен Николаев өрөспүүбүлүкэ Суһал ыстаабын мунньаҕын түмүгүнэн Саха сирин урбааҥҥа, эргиэҥҥэ уонна туризмҥа министиэристибэтигэр уонна куораттааҕы уокуруктар административнай хамыыһыйаларыгар күннэтэ санитарнай-эпидемиологическай миэрэлэри тутуһууну дьону аралдьытар тэрилтэлэргэ, уопсастыбаннай аһыыр сирдэргэ күн аайы ыыталларыгар сорудахтаата.

Харантыын миэрэлэрин кэһээччилэргэ административнай эппиэтинэс миэрэлэрэ туттуллуохтара. Дискотека, караоке саалаларын үлэлэтэ турар уопсастыбаннай аһыыр тэрилтэлэри сабыахтарын сөп.

«Саха сирэ» хаһыат, edersaas.ru

0
0

Добавить комментарий