Ил Дархан: «Эһиил 224 килэмиэтир усталаах суол оҥоһуллуоҕа”

Ааптар: 
Бөлөххө киир:

«Куттала суох уонна хаачыстыбалаах массыына суола» национальнай бырайыак чэрчитинэн 2021 сылга Саха сиригэр 224 килэмиэтир усталаах массыына суола үлэҕэ киириэҕэ. Онтон 199 килэмиэтирэ – эрэгийиэннээҕи суол-иис, 25 килэмиэтирэ — Дьокуускай куорат сиригэр киирсэр суол.

edersaas.ru

Бу туһунан Ил Дархан Айсен Николаев национальнай бырайыак олоххо киириитин көрөр мунньаҕар иһитиннэрдэ.

«Эһиилги сылга элбэх суол оҥоһулларынан сибээстээн, дуогабар түһэрсиитин, сөбүлэҥ үлэтин түргэтэтэр наада», — диэн Айсен Николаев тоһоҕолоон эттэ.

Быйыл өрөспүүбүлүкэҕэ 211 килэмиэтирдээх эрэгийиэн таһымнаах суол оҥоһуллар. Оттон чуолаан Дьокуускайга — 23,5 килэмиэтир. Манна 4,8 миллиард солкуобай көрүллүбүтэ.

Маны таһынан, 2020 сыл алтынньы 1 күнүттэн федеральнай таһымнаах «Бүлүү», «Халыма» уонна «Лена» суолун учаастактарын өрөмүөнүгэр Арассыыйа бүддьүөтүттэн 11 миллиард кэриҥэ үп көрүллүбүт диэн Ил Дархан иһитиннэрдэ.

Ил Дархан уонна бырабыыталыстыба пресс-сулууспата.

Хаартыска: Интэриниэт ситимиттэн

+1
0
+1
0
+1
0
+1
0
+1
0
+1
0
+1
0