Ил Дархан Уһук Илиҥҥэ авиахампаанньаны тэрийии туһунан хоруйдаата

Ааптар: 
Бөлөххө киир:

Ил Дархан Айсен Николаев быһа сибээс кэмигэр Уһук Илин уокурукка авиахампаанньаны тэрийии туһунан ыйытыыга хоруйдаата.

edersaas.ru

Балаҕан ыйын 10 күнүгэр диэри РФ Тырааныспарка министиэристибэтэ Арассыыйа Бырабыыталыстыбатыгар Уһук Илин уокурук авиахампаанньатын тэрийиигэ этиитин киллэриэхтээх. Биһиги көрүүбүтүн истибиттэрэ. Бу хампаанньаны тэрийии туһунан, бүгүҥҥүтэ тутулуга суох хампаанньалар холбоһуктарын быһыытынан  ырытыллар, ол иһигэр, Уһук Илиҥҥэ үлэлиэхтээх Саха сирин авиахампаанньаларыгар”, — диэн эттэ. Кини, маннык хампаанньа тэриллэн, Уһук Илин уокурукка айан сырыыта тупсуохтаах диэн быһаарда. Бу Москва — Дьокуускай эбэтэр Москва – Владивосток эрэ хайысхатынан буолбакка, Арктика бөһүөлэгиттэн, холобур, дьон Черскэйтэн Дьокуускайга кыра харчыга, туох даҕаны харгыһа суох көтөн кэлиэхтээх диир. “Хомойуох иһин, билигин Арктика улуустарыттан Дьокуускайга кэлэр дьон, мантан Москваҕа көтөрдөөҕөр элбэҕи төлүүллэр. Тырааныспар сырыыта тоҕоостоох буоларын туһугар, субсидиялааһын өйдөнөр систиэмэтэ оҥоһулуохтаах. Мин дойду салалтатыгар бэйэм этиилэрбин киллэрбитим. Ону учуоттуохтара диэн эрэнэбин”, — диэн эттэ.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0