Ил Дархан быһа эпиириттэн ыйытыыларга хоруйдар
Олох-дьаһах

Ил Дархан быһа эпиириттэн ыйытыыларга хоруйдар

Бүгүн, бэс ыйын 19 күнүгэр, Ил Дархан Айсен Николаев социальнай ситимнэртэн быһа эпииргэ таҕыста, сурутааччыларын ыйытыыларыгар хоруйдаата. 

Эпииртэн быһа тардан ыйытыыларга хоруйдары бэчээттиибит.

Ыйытыы: «Дьокуускай-Өлүөхүмэ» хайысханан «метеор» хаһан сылдьыай?

Хоруй: Сотору сылдьыы саҕаланыаҕа, туох баар санитарнай нуорма тутуһуллуоҕа.

Ыйытыы: Нерюнгрига коронавирус балаһыанньата хайдаҕый?

Хоруй: Нерюнгрига балаһыанньа уустук. Хааччахтааһын миэрэлэрин тутуһуохтарын наада. Хомойуох иһин, баһылык Виктор Станиславскай дьаҥҥа сутулунна. Ол да буоллар, суһал штаб көдьүүстээхтик үлэлиир.

Ыйытыы: Эрэстэрээннэр бэс ыйын 22 күнүттэн арыллыахтара дуо?

Хоруй: Суох, балаһыанньа оннугу көҥүллээбэт.

Ыйытыы: Уопсастыбаннай сиргэ бэрчээкки кэтэр наада дуо?

Хоруй: Хайаатар даҕаны маасканы кэтии ирдэнэр.

Ыйытыы: Атыы-эргиэн кииннэрэ хаһан арыллыахтарай?

Хоруй: Хааччахтыыр миэрэлэр «сымнаатахтарына» эрэ, бээтинсэҕэ диэри арыллыбат.

Ыйытыы: Тоҕо дьаҥ буола турдаҕына куоластыырбыт нааданый?

Хоруй: Төрүт Сокуон — сүрүн сокуоммут. Манна 206 уларытыы киирэригэр куоластыыбыт. Бэйэбит санаабытын биллэриэхпитин наада. Бу уларытыылар көннөрү киһи олоҕор олус наадалаахтар. Үлэһит киһини, оҕо сааһы, дьиэ кэргэни, тылы о.д.а. көмүскүүр, харыстыыр аналааах. Пандемия да буоллар дьон кэлэн куоластыа дии саныыбын.

Ыйытыы: «Абалаах» санаторий хаһан арыллыай?

Хоруй: Билигин арыллыбат, от ыйын 1 күнүн кэнниттэн көстөн иһиэҕэ.

Ыйытыы: Ыарыы иккис «долгуна» буолуо дуо?

Хоруй: Балаҕан ыйыгар буолуо диэн сабаҕалыыллар, баҕар, олох да буолуо суоҕа. Оттон билиҥҥи сорукпут бастакы «долгуну» аһардыы буолар.

edersaas.ru

 

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

2 × 3 =