Бүгүн, ыам ыйын 16 күнүгэр, Ил Дархан Айсен Николаев уонна Дьокуускай баһылыга Сардаана Авксентьева 31-с №-дээх оскуолаҕа эбии тутулла турар эбийиэк үлэтин бэрэбиэркэлээтилэр. Бу туһунан Дьокуускай уокуруктааҕы дьаһалтатын пресс-сулууспата иһитиннэрэр.
Эбийиэк 2019-2020 сылларга СӨ инвестиционнай бырагырааматын иитинэн тутуллар. Манна «СТК» тэрилтэ үлэлиир.
Оскуола дириэктэрэ Валентина Рыбкина этэринэн, бастакы этээскэ вестибюль, буфет, биэс кылаас, лаборантскайдаах химия кылааһа, библиотека ааҕар хоһо, мастарыскыай, харабыл хоһо баар буолуохтаах. Оттон иккис этээскэ биэс кылаас, лаборантскайдаах физика кылааһа, учууталлар хосторо, тир о.д.а. оҥоһуллара быланнанар.
Тутулла турар эбийиэги көрөн баран, куорат баһылыга Сардаана Авксентьева үлэ кыраапык быһыытынан бара турарын, тутуу 30 %-на туолбутун иһитиннэрдэ.
Оскуолаҕа үс этээстээх эбии тутуу бу сыл ахсынньытыгар үлэҕэ киирэрэ былааннанар.
edersaas.ru
Хаартыска — якутск.рф саайтан.
+1
+1
+1
+1
+1
+1
+1