Сэтинньи 14 күнүгэр өрөспүүбүлүкэ баһылыга Егор Борисов РФ Президенэ В.Путин приемнайыгар нэһилиэнньэни кытта көрүстэ. Киниттэн суол-иис туругун, эминэн хааччыллыы уонна инбэлииттэр үлэлээх буолууларын туһунан ыйыталастылар. edersaas.ru
Ол курдук, Дьокуускай куорат олохтооҕо Егор Борисовтан Хоро уулуссатыгар тоҕо уот суоҕун уонна суол-иис туруга мөлтөҕүн туоһуласта. Кини 2015 сылтан саҕалаан бу ыйытыктарга хоруй булаары араас тэрилтэлэри кэрийбит. Грейдер суолу тэҥнээтэҕин ахсын, ардах түһэн төттөрү алдьатан кэбиһэр эбит. Маныаха Дьокуускай куораттааҕы уокурук баһылыгын солбуйааччы Дмитрий Садовников иһитиннэрбитинэн, бу суол өрөмүөнэ 2018 сылга былааннанан турар. Оттон уулуссаны сырдатыы бэдэрээтчиттэр буруйдарынан быһаарыллыбатах.
Куорат биир колледжын преподавателэ эминэн хааччыллыы туһунан ыйыталаста. Сорох эмп босхо эмп испииһэгэр тоҕо суоҕун ыйыталаста: “Мин хаһан даҕаны инбэлииппин диэн болҕомтону бэйэбэр тарда сатаабатаҕым. Ол эрээри, доруобуйам туругунан куруук эмтэниэхпин наада, онуоха эмп сыаната ыараан иһэр”, — диэтэ. Ил Дархан босхо эмп испииһэгэр бу эмтэр аналогтара бааллар, СӨ Доруобуйа харыстабылын министиэристибэтигэр бу кыһалҕаны быһаарыахтарын сөп диэн эппиэттээтэ. edersaas.ru
Хаартыска: Интэриниэттэн