М.К.Аммосов аатынан судаарыстыбаннай бириэмийэ туһунан Ил Дархан Ыйааҕа
“2020 сылга судаарыстыбаннай тутул эйгэтигэр М.К.Аммосов аатынан Саха Өрөспүүбүлүкэтин Судаарыстыбаннай бириэмийэтин аныыр туһунан”
Саха Өрөспүүбүлүкэтин Ил Дарханын Ыйааҕа
Саха Өрөспүүбүлүкэтин Ил Дарханын 2015 сыл балаҕан ыйын 8 күнүнээҕи “Саха Өрөспүүбүлүкэтин судаарыстыбаннай бириэмийэлэрин туһунан балаһыанньалары бигэргэтэр туһунан” 660 №-дээх Ыйааҕар сөп түбэһиннэрэн, судаарыстыбаннай тутул эйгэтигэр М.К.Аммосов аатынан Саха Өрөспүүбүлүкэтин Судаарыстыбаннай бириэмийэтин аныыр хамыыһыйа этиитин көрөн баран, уурабын:
Саха Өрөспүүбүлүкэтин судаарыстыбаннаһын уонна парламентаризмын атаҕар туруутугар уонна бөҕөргөтүүгэ уһулуччулаах үтүөтүн, Саха Өрөспүүбүлүкэтин социальнай-экэнэмиичэскэй сайдыытыгар сүҥкэн кылаатын, өр сыллаах эҥкилэ суох гражданскай сулууспатын уонна таһаарыылаах уопсастыбаннай-бэлитиичэскэй үлэтин иһин, лауреат аатын иҥэрэн туран, 2020 сылга судаарыстыбаннай тутул эйгэтигэр М.К.Аммосов аатынан Саха Өрөспүүбүлүкэтин Судаарыстыбаннай бириэмийэтин аныырга
ИВАНОВ Климент Егоровичка, биллэр судаарыстыбаннай уонна уопсастыбаннай-бэлитиичэскэй диэйэтэлгэ, “Бочуот Знага” уордьан, Үлэ Кыһыл Знамята уордьан, Доҕордоһуу уордьан кавалерыгар, Саха Өрөспүүбүлүкэтин норуотун хаһаайыстыбатын үтүөлээх үлэһитигэр, Саха Өрөспүүбүлүкэтин Бочуоттаах гражданиныгар.
Саха Өрөспүүбүлүкэтин Ил Дархана А.Николаев
2020 сыл муус устар 24 күнэ
1137 №-дээх.