❗ Олорор дьиэ төлөбүрэ кыччыа дуо?
✅ Уһук Илиҥҥэ саамай мөлтөхтүк төлүү олорор региоммут. Кыһыны этэҥҥэ туоруурга үп наада. Онон коммунальнай төлөбүр кэмигэр толору оҥоһуллуохтаах.
❗Ыам ыйын 2 күнүгэр диэри дьиэҕэ олоруу уһуур дииллэр. Кырдьык дуо?
✅ Суох. Муус устар 30 күнүгэр диэри.
❗ «Төрөппүт күнэ» (Родительский день) бобулунна дуо?
✅ Сэрэниэххэ наада. Элбэх дьон мустара көҥүллэммэт.
❗Мархаҕа төһө киһи ыарыйда?
✅ 4 киһи. Бары балыыһаҕа сыталлар.
❗Интернет хаачыстыбата мөлтөх.
✅ Сөбүлэһэбин. Сибээс барытыгар эриэ-дэхси буолбатах.
❗»Төрөппүт күнүгэр» сибэкки атыыланара көҥүллэниэ дуо?
✅ Суох.
❗Тесты баҕа өттүнэн барыахха сөп дуо?
✅ Көннөрү баҕалаахха — суох. Сүрүннээн бэрэбиэркэни барааччыларга.
❗ Парикмахерскай аһыллыа дуо?
✅ Медицинскэй лицензиялаахтарга эрэ көҥүллэнэр.
❗Дьиэҕэ олорор кэмҥэ дефолт буолуо суоҕа дуо?
✅Коронавирус иннинээҕи курдук олох буолара саарбах. Ыарахаттар баар буолуохтара.
❗ Мааска оҥорор собуоттары тутуохха.
✅Биһиэхэ эрэ буолбатах, аан дойдуга барытыгар медицинскэй мааска тиийбэт. Ол собуоту тутар уустук. Эпидемия тохтоотоҕуна, ол собуот үлэтэ тохтуур дуо?
❗Нерюнгригэ соцзащита тэрилтэтэ төлөпүөнү ылбат.
✅Мин ити боппуруоһу быһаарсыам. Маннык ыксаллаах кэмҥэ бу саамай үлэлиэхтээх тэрилтэ.
Елена Потоцкая, edersaas.ru