Ил Дархан: «Муус устар 15 күнүттэн чэпчэтэр миэрэлэри ылары быһаарыахпыт»

Бөлөххө киир:

Бүгүн, муус устар 11 күнүгэр, 11.30 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.

Ил Дархан Айсен Николаев: «Ленскэйгэ уонна Алдаҥҥа мэдиссиинэни күүһүрдэргэ үлэ барар, тоҕо диэтэххэ манна ыалдьыбыт дьон туруктара — орто ыарахан. Ыарыһахтары хонтуруоллууллар, туруктара мөлтүүр түбэлтэтигэр барыта бэлэм буолуохтаах.

Ленскэйгэ коронавирустаабыт эр киһи кэргэнэ эмиэ дьаҥҥа сыстыбыта буолуо диэн сабаҕалыыбыт. Дьахтарга ыарыы бары симптома баар. Ол эрээри, кинилэр бу күннэри быһа дьиэлэригэр бэйэлэрин хааччахтаан олорбуттар. Онон, кими эмит ыарыыга сыһыарбыттара буолуо диэн куттал суох. 

Ленскэйгэ, Алдаҥҥа ыарыһахтары кытта хантаактаспыт дьон быһаарылыннылар. Кинилэртэн анаалыс ыла сылдьаллар. Бүгүҥҥү күн бүтүөр диэри Алдан түмүгэ биллиэ, оттон сарсын — Ленскэй.  Бу улуустарга ылыныллыбыт хааччахтааһын миэрэлэрэ үтүө түмүктэри аҕаларыгар эрэнэбит. 

Ону тэҥэ өрөспүүбүлүкэ кылаабынай санитарнай бырааһын кытта быһаарыныы ылынныбыт. Дьокуускайга чугас сытар тас дойдулартан кэлээччилэри тута обсерваторга киллэриэхпит. 

Бүгүн-сарсын муус устар 15 күнүттэн өрөспүүбүлүкэ үрдүнэн чэпчэтэр миэрэлэри ылары быһаарыахпыт», —диэтэ.

edersaas.ru

+1
0
+1
0
+1
0
+1
0
+1
0
+1
0
+1
0