Өрөспүүбүлүкэ Ил Дархана Айсен Николаев быһа эпииргэ тахсан, муус устар 9 күнүнээҕи эпидемиологическай балаһыанньаны иһитиннэрдэ.
Өрөспүүбүлүкэ үрдүнэн 16 киһи ыалдьыбытыттан аҕыс киһи үтүөрбүт. Өссө аҕыс киһи салгыы эмтэнэр. Нэдиэлэ бүтүүтэ бу дьонтон сорохторо балыыһаттан тахсыахтарын сөбүн Ил Дархан эттэ. Маны сэргэ анаалыһы ылыы үлэтэ элбээн, 646 сыыппараҕа тиийбит. Бу ылыллыбыт 646 анаалыс барыта дьаҥ суоҕун көрдөрбүт.
Ол эрээри, билигин да балаһыанньа ыараханын, Уһук Илиҥҥэ коронавируһунан ыалдьыы ахсаана элбии турарын Айсен Сергеевич иһитиннэрдэ. Онон, дьиэҕэ бэйэни хааччахтаан олоруу эрэ дьаҥы аһарынарга көмөлөөҕүн бэлиэтээтэ.
Ульяна Захарова, edersaas.ru
+1
+1
+1
+1
+1
+1
+1