Бүгүн, олунньу 22 күнүгэр, Ил Дархан Айсен Николаев Алдан оройуонугар үлэлээтэ. Кураанах хочотугар турар «Саха Голд Майнинг» хампаанньа эбийиэктэригэр сырытта. Манна 400 л драга үлэтин көрдө.
Көрсүһүү кэмигэр Ил Дархан 2018 сылга Саха сирэ көмүһү хостооһуҥҥа үчүгэй көрдөрүүлээҕин, Арассыыйа үрдүнэн үс бастыҥнар кэккэлэригэр сылдьарын бэлиэтээтэ. Эрэгийиэн 29,5 т бэлиэҕэ тиийбитин, көрдөрүүтэ 2017 сылтан 20% улааппытын туһунан эттэ. Ол иһигэр Алдан оройуонуттан 12 т 750 киилэ араас күндү металл хостоммут.
«Полюс Алдан» хампаанньа ааспыт сылга 6 т 209 киилэ кыһыл көмүһү хостоото. «Селигдар» хампаанньа үлэтин эмиэ бэлиэтиэхпин баҕарабын«, — диир Ил Дархан Айсен Николаев.
Маны таһынан мунньахха геологоразведочнай үлэ, сир аннынааҕы баайга лицензияны биэрии, олохтоох каадырдары бэлэмнээһин уонна экология кыһалҕаларын быһаарыстылар.
edersaas.ru