Сүрүн

Ил Дархаҥҥа ыйытыыларгытын OneClick Yakutia портал нөҥүө биэриэххитин сөп

Сарсын, муус устар 26 күнүгэр, Ил Дархан өрөспүүбүлүкэтээҕи теле, араадьыйа ханаалларынан быһа сибээскэ тахсыахтаах.

 

«Прямая линия с Айсеном Николаевым» биэриигэ  эрдэттэн ыйытыыларгытын  OneClick Yakutia порталга http://yakutia.click/efirglavi ссылканан киирэн биэриэххитин сөп.

Ил Дархан Өрөспүүбүлүкэ күнүн көрсө көрөөччүлэр ыйытыыларыгар эппиэттиэҕэ, Саха сирин сайдыытын тула санаатын үллэстиэҕэ.

Быһа биэрии 19 чаастан «Саха» НКИХ, «Якутия24» телеханаалларга уонна «Тэтим» араадьыйаҕа ыытыллыаҕа.

Маны таһынан быһа эфир кэмигэр 8(4112)320111 нүөмэргэ эрийэн биэриэххитин сөп. Итиэннэ ыйытыылары эрдэттэн  8(4112)508-000 нүөмэринэн үлэ кэмигэр ылаллар.

edersaas.ru

0
0
Telegram @edersaas20