Иккис оҕоҕо бэриллэр федеральнай Ийэ хапытаала 2021 сылынан бэриллэн бүтүөхтээх этэ. Ону бэрэсидьиэн Владимир Путин 2026 сылга диэри уһатта. Суумата 150 тыһыынчанан үрдээн, 616 617 солкуобайга тэҥнэстэ. Ийэ хапытаалын сэртипикээтин оҕо 3 сааһын туолуор диэри тыыттарбаттар, ол эрээри оҕо төрөөбүтүн кэннэ ипотеканы сабарга тута туһаныахха сөп.
Манна биири быһаарар тоҕоостоох. Биир оҕолоох ыал иккис оҕотугар 616 617 солкуобайы ылар. Оттон ыал оҕолоро иккиэн 2020 сыл кэнниттэн төрөөбүт буоллахтарына – бастакы оҕоҕо 466 617 солкуобай, иккис оҕоҕо 150 000 солкуобай суумалаах (уопсайа 616 617 солкуобай) хапытаалы ылаллар.
Уһук Илиҥҥэ 2019 сыл тохcунньу 1 күнүн кэнниттэн төрөөбүт иккис оҕоҕо эрэгийиэннээҕи Ийэ хапытаала бэриллэр буолбута. Бу хапытаал быйылгы эбиллибит суумата – 139 985 солкуобай.
Онон иккис оҕоҕо дьиэ кэргэн уопсайа 756 602 солкуобайы ылар кыахтаах.
Ангелина Васильева, «Саха сирэ» хаһыат, edersaas.ru
хаартыска интэрниэттэн
+1
+1
+1
+1
+1
+1
+1