Нам улууһун 2 Хомустаах нэһилиэгин олохтоохторо муус устар 14 күнүгэр эстэпиэтэлээтилэр. 17 км сүүрдүлэр.
edersaas.ru
Тэрээһин Саха сирин чулуу уола, судаарыстыбаннай уопсастыбаннай-бэлитиичэскэй диэйэтэл Винокуров Илья Егорович төрөөбүтэ 125 сылыгар ананна уонна РФ сүүрүүгэ 5 төгүллээх кыайыылааҕын Сардаана Трофимованы өйөөһүн быһыытынан ыытылынна.
17 килэмиэтири 17 быһый уол биирдии килэмиэтиринэн үллэстэн сүүрдүлэр. Эстэпиэтэҕэ, холобур оҥостубут быһый атахтаах спортсменка Сардана Трофимова олохтообут ( км 3.30 сөкүүндэ) рекордугар тэҥнэһэ эбэтэр куоһара сатааһын буолла.
Эстэпиэтэ түмүктэммитин кэнниттэн, сүүрүүгэ кыттыыны ылбыт нэһилиэк баһылыга Лев Николаевич Новгородов Инстаграмҥа бэйэтин страницатыгар хаартыскалары таһаарбыт уонна маннык суруйбут: «Дьэ, кыыспытын сиппэтибит! Турбут-олорбут 17 уол 17 килэмиэтири сүүрэн холонон көрдүбүт да, олох чугаһаппатыбыт! Биһиги биирдии км сүүрдүбүт, кини тохтоло суох 42 км сүүрэр! Биһиги бириэмэбит 1:07:32 сөк. Бииргэ сүүрбүт дьоммор, дойдулаахтарбар махтал! Өрүү бииргэ буолуох, үчүгэйи өрө тутан!”
https://www.instagram.com/tv/CNqfF12laEg/?utm_source=ig_web_copy_link
«Саха сирэ» хаһыат, edersaas.ru
Хаартыскалар @levnovgorodov84 Инстаграм сирэйиттэн