Бу сыстыганнаах дьаҥ балаһыанньата Алдан уонна Мэҥэ Хаҥалас улуустарыгар уустугурда.
edersaas.ru
Ол курдук, Алдан оройуонугар Ыллымахха баар социальнай тэрилтэҕэ уонна Мэҥэ Хаҥалас улууһугар үөрэнээччилэр интэринээттэригэр коронавируска маассабайдык хаптардылар.
Өрөспүүбүлүкэ үрдүнэн 27 улууска сыстыганнаах дьаҥҥа сутуллубут дьон ахсаана эбилиннэ. Ордук элбэх киһи Мииринэй уонна Нерюнгри оройуоннарыгар коронавирус дьаҥынан сутуллубута биллэр. Доруобуйа харыстабылын уонна Роспотребнадзор үлэһиттэрэ ыалдьыбыт дьону буларга, эмтииргэ тустаах үлэни былааннаахтык ыыталлар. Инфекционнай стационардар бары улуустарга үлэлии тураллар.
Бээтинсэттэн эмчиттэри вакциянациялааһын саҕаланна. 21 хонугунан кинилэр хатылааһын вакцинацияны ааһыахтара. Сотору кэминэн социальнай үлэһиттэр уонна элбэх дьону кытта үлэлиир үлэһиттэр вакцинацияны барыахтара.
Бу туһунан бүгүҥҥү брифиҥҥэ вице-премьер Ольга Балабкина иһитиннэрдэ.
Елена ПОТОЦКАЯ, «Саха сирэ» хаһыат, edersaas.ru
Хаартыска: СИА