Саха сиригэр ГТО нуорматыгар бэлэмнэнэргэ, икки сыл иһигэр сүүрбэттэн тахса былаһаакка тутуллубут.
Бу тэриллэр тымныыга туох да буолбаттар, киһи дьарыктанарыгар куттала суох буоларын курдук эриһиинэлээхтэр. «Быйыл коронавируһунан хааччахтааһын баар буолан, нэһилиэнньэлэргэ ГТО нуорматыгар бэлэмнэниилэргэ эрэ анаан былаһааккалары үлэлэттилэр. Аныгыскы сезоҥҥа толору туһаныллар кыах үөскүөҕэ диэн эрэниэҕи баҕарыллар. Салгыы 2024 сылга диэри, бырагырааманан, былаһааккалара суох оройуоннарга үлэ ыытыллыа», — диэн эбэн эттэ.
Амма улууһун киинигэр, былаһаакка быйыл стадион иһигэр туруорулунна. «Бэйэбит туруорбуппут. Арыйыытын дьону-сэргэни түмэн оҥоруохпутун баҕарбыппыт эрээри, пандемияттан сылтаан, көһөрбүппүт. Аныгыскы сылга, үгэс буолбут «Манчаары оонньуулара» былааннаммытын курдук ыытыллар буоллахтарына, биһигини элбэх үлэ күүтэр. Күрэхтэһиигэ ГТО нуорматын туттарбыт эрэ спортсменнар кыттыахтаахтар», — диэн Амматааҕы оҕо-ыччат спортивнай оскуолатын дириэктэрин солбуйааччы, улууһугар ГТО нуорматын туттарыыга эппиэттээх Дмитрий Наумов бэлиэтиир. Кини эппитинэн, улуустарыгар 2019 сылга ГТО-ну толорууга 700 киһи регистрацияламмытыттан, 87 киһи бэрэбиэркэни ааспыт.
«Спорт — олох нуормата» бырайыак «Демография» национальнай бырайыак биир хайысхатынан буолар.