«Үөрэх» национальнай бырайыак: икки сыл иһигэр 43 мастарыскыай

Ааптар: 
Бөлөххө киир:

Саха сиригэр «Үөрэх» национальнай бырайыак иитинэн икки сыл иһигэр 43 мастарыскыай арылынна.

РФ Үөрэххэ уонна СӨ Үөрэххэ уонна наукаҕа министиэристибэлэринэн, Саха сиригэр «Үөрэх» национальнай бырайыак иитинэн, мастарыскыайдары тэрийии улахан үлэтэ тиһиктээхтик салҕанар. Бу туһунан «Профессиональнай үөрэхтээһини сайыннарыы институтун» пресс-сулууспата иһитиннэрэр.
2020 сылга бу бырайыагы олоххо киллэрэргэ үс профессиональнай үөрэх кыһатыгар каадырдары бэлэмнээн таһаарыыга 15 мастарыскыай тэриллибитэ. Дьокуускайдааҕы индустриальнай-педагогическай кэллиэскэ «Обслуживание транспорта и логистика» хайысхаҕа  «Кузовной ремонт», «Ремонт и обслуживание легковых автомобилей», «Окраска автомобиля», «Обслуживание грузовой техники», «Водитель грузовика» компетенцияларынан биэс мастарыскыай тэриллибитэ.
П.И. Дудкин аатынан Дьокуускайдааҕы сибээс уонна энергетикэ кэллиэһигэр «Информационнай-коммуникационнай технологиялар» хайысхаҕа «Информационные кабельные сети», «Программные решения для бизнеса», «Веб-дизайн и разработка», «Разработка мобильных приложений», «Кибербезопасность» компетенцияларынан биэс мастарыскыай аһыллыбыта.
Покровскайдааҕы кэллиэскэ «Информационнай-коммуникационнай  технологиялар» хайысхаҕа «Веб-дизайн и разработка», «Разработка компьютерных игр и мультимедийных приложений», «Разработка виртуальной и дополненной реальности», «Разработка мобильных приложений», «Кибербезопасность» компетенцияларынан биэс мастарыскыай үлэлиир.
2021 сылга Саха сирин үрдүнэн биэс МТ 28 аныгы мастарыскыай алта профессиональнай үөрэхтээһин тэрилтэлэригэр аһыллара ситиһилиннэ. Атырдьах ыйын 23 күнүгэр, өрөспүүбүлүкэҕэ үөрэхтээһин эйгэтин үлэһиттэригэр сыл ахсын ыытыллар атырдьах ыйынааҕы мунньахтарыгар, Дьокуускайдааҕы мэдиссиинэ кэллиэһигэр «Социальная сфера» компетенциянан түөрт мастарыскыай арыллыбыта: «Медицинский и социальный уход», «Лабораторный медицинский анализ», «Лечебная деятельность» уонна «Стоматология ортопедическая».
Атырдьах ыйын 27 күнүгэр, шахтер күнүн көрсө, Нерюнгритааҕы Саха сирин соҕурууҥҥу кэллиэһигэр (Южно-Якутский технологический колледж) «Информационнай — коммуникационнай технологиялар» түөрт мастарыскыай: «Интернет вещей», «Корпоративная защита от внутренних угроз информационной безопасности», «Машинное обучение и большие данные», «Разработка мобильных приложений» үлэтин саҕалаабыта. Билии күнүнэн, атырдьах йын 31 күнүгэр, ХИФУ инфраструктурнай технологияларга кэллиэһигэр түөрт мастарыскыайы үөрүүлээх быһыыга-майгыга аспыттара. «Информационнай-коммуникационнай технологиялар»: «Корпоративная защита от внутренних угроз информационной безопасности», «Веб-дизайн и разработка», «Сетевое и системное администрирование» уонна «Информационные кабельные сети» компетенцияларынан. Балаҕан ыйын 24 күнүгэр Үөһээ Бүлүүтээҕи техникумҥа икки хайысханан аҕыс мастарыскыай аанын аспыта: «Обслуживание транспорта и логистика» — «Кузовной ремонт», «Обслуживание грузовой техники», «Окраска автомобиля» уонна «Ремонт и обслуживание легковых автомобилей»; «Социальная сфера» хайсхаҕа «Пожарная безопасность», «Правоохранительная деятельность (Полицейский)», «Спасательные работы» уонна «Социальный работник». Алтнньы 1 күнүгэр, профтехүөрэхтээһин күнүн көрсө, Жатайдааҕы техникумҥа түөрт мастарыскыай «Промышленные и инженерные технологии» хайысхаҕа» «Мехатроника», «Мобильная робототехника», «Обслуживание и ремонт оборудования релейной защиты и автоматики» уонна «Сборка корпусов металлических судов». Итиэннэ быйылгы сылы түмүктүү алтынньы 4 күнүгэр, түөрт мастарскыай Мииринэйдээҕи техническэй кэллиэс Светлинскэйдээҕи филиалыгар «Промышленные и инженерные технологии» хайысхаҕа  «Добыча нефти и газа», «Интеллектуальные системы учёта электроэнергии», «Подземные горные работы (Электрослесарь подземный)» уонна «Промышленная робототехника» компетенцияларынан. Мастарыскыайдары арыйыы үөрүүлээх чааһыгар бочуоттаах ыалдьыттарынан СӨ Ил Дархана Айсен Николаев, СӨ Бырабыыталыстыбатын бэрэстэбиитэллэрэ, социальнай партнердар уонна да атыттар буолбуттара.
+1
0
+1
0
+1
0
+1
0
+1
0
+1
0
+1
0