Икки киинэ бырайыага федеральнай үбүлээһини ылары ситистэ!

Ааптар: 
Бөлөххө киир:

“Сахафильм” икки киинэтин бырайыага Арассыыйа култууратын министиэристибэтэ ыытар питчинг-күрэс финалыгар тиийдилэр.

edersaas.ru

Ол аата, федеральнай бүддьүөттэн үбүлэнэр кыахтаннылар. Режиссер Любовь Борисова “Уйбаана суох миигин кистээмэҥ” диэн оробуочай ааттаах сценарийа сотору кэминэн үбүлэниэхтээх. Эдуард Новиков “Холбуур ситим” диэн ааттаах үлэтэ резервэҕэ угулунна, ол аата, сыл бүтэһигэр хаалбыт пуондаттан үбүлэнэр. 

Любовь Борисова үлэтэ Москваҕа продюсер Иван Болотников салайааччылаах “Студия Автор” хампаанньаны кытта оҥоһуллара күүтүллэр. Дьикти ааттаах бырайыак Саха сирин маҥнайгы профессиональнай худуоһунньуга Иван Попов уонна кини доҕоро Боросуокап булчут туһунан сэһэргиир. Кини летаргическай утуйууга киирэн көмүллэ сыспытын Иван Попов быыһаабытын туһунан үһүйээни саха дьоно үксэ билэллэр.

Эдуард Новиков бырайыагар Ньургун диэн ааттаах оҕо саҥа сиргэ көһөн кэлэн баран, аныгы олох урукку үһүйээннэртэн чугаһын билбитин туһунан кэпсиир.

Киинэлэри аныгыскы сылтан усталлара күүтүллэр. Федеральнай үбүлээһиҥҥэ саха киинэтэ аан маҥнайгытын киирдэ. Бу ситиһии саха киинэтин оҥорууну, устууну саҥа таһымҥа таһаарара саарбаҕа суох.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0