Ыам ыйын 11 күнүнээҕи туругунан, коронавируһунан ыалдьыбыт 5 киһи ыарахан туруктаах. “Икки ыарыһах ыарахан туруктан таҕыста” диэн өрөспүүбүлүкэтээҕи суһал ыстаап бэрэссэдээтэлэ, вице-премьер Ольга Балабкина иһитиннэрдэ.
edersaas.ru
— Сүрүннээн аҕам саастаах, хроническай ыарыылаах дьон ыараханнык аһардаллар. Бүгүҥҥү күҥҥэ икки пациент ыарахан туруктан таҕыстылар, кинилэртэн биирдэстэрэ — Алдан оройуонуттан кэлбит, искэн ыарыылаах, аҕам саастаах дьахтар, — диэн кини бэлиэтээтэ.
Бу иннинэ 7 киһи ыарахан туруктаах, ИВЛ аппарааттарга холбонон сыталлар диэн биллибитэ. Этиллибитин курдук, аҕам саастаах, сүрэх-тымыр, бүөр, сүһүөх ыарыылаах, диабеттаах, гипертониялаах дьоҥҥо коронавирус ыараханнык киирэр. Хомойуох иһин, өрөспүүбүлүкэҕэ бу уодаһыннаах ыарыыттан 4 киһи тыына быстыбыта.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1