Икки эрэгийиэн көтүүгэ QR-куоду бастакынан ирдээтилэр.
Эрэгийиэннэр ыарахан дьаҥы тохтотоору араас ньымалары олохтууллар. Ол туһунан манна ааҕыҥ.
Арассыыйа икки эрэгийиэнэ – Камчатка уонна Хабаровскай кыраайдар сөмөлүөтүнэн көтүүгэ булгуччулаах ирдэбили олохтоотулар. Онон сөмөлүөтүнэн дойду иһинээҕи көтүүлэргэ быһыыны ылыы туһунан QR-куоду эбэтэр ыалдьыбытыҥ туһунан чахчыны көрдөрүөхтээххин.
Камчаткаҕа ирдэбил муниципалитеттар икки ардыларынааҕы оптуобустарынан сырыыга уонна эрэгийиэн иһинэн көтүүгэ сыһыаннаах. Маныаха пассажирдартан ПЦР-тиэһи ирдиэхтэрэ суоҕа. QR-куод оннугар быһыыны ылбыттарын туһунан кумааҕы сэртипикээти көрдөрүөххэ сөп. Медотводтаах дьон ыспыраапкалаах буолуохтаахтар. Саҥа быраабылалар сэтинньи 23 күнүттэн олоххо киириэхтэрэ.
Хабаровскай кыраайга суһал ыстаап чахчытынан, кэнники ыйга ыалдьыы алта төгүл элбээбитинэн, сэтинньи 7 күнүттэн эрэгийиэн иһигэр куораттар икки ардыларыгар массыынанан уонна тимир суол тырааныспарынан айаннааһыҥҥа QR-куод көрдөрүөхтээхтэр. Оттон ахсынньы ыйтан олохтоох былаас Хабаровскай аэропуордун дьиэтигэр уонна билиэти атыылааһыҥҥа ирдиэхтэрэ.
Анастасия Селиванова, “Российская газета” хаһыаттан
Елена Березина хаартыската
Бэлэмнээтэ Женни Стрюкова