Ийэлэри биисинэскэ босхо үөрэтиэхтэрэ

Бөлөххө киир:

Алтынньы 19 күнүттэн Саха сиригэр “Урбаанньыт ийэ” диэн федеральнай үөрэтэр бырагыраама үлэтин саҕалыыр. Босхо үөрэниэхтэрин баҕалаахтар алтынньы 12 күнүгэр диэри сайаапкаларын биэриэхтэрин наада.

Бырагыраама кыттааччыта буолар туһуттан анкетаны толорон баран, бизнес-бырайыагыҥ туһунан сиһилии суруйан ыытыахтааххын.

Саха сиригэр бырагыраама урбаан, атыы-эргиэн, туризм министиэристибэтин өйөбүлүнэн ыытыллар. Бырагыраама 2013 сылтан үлэлиир, быйыл 60-тан тахса эрэгийиэҥҥэ ыытыллыаҕа. Былырыын РФ экэнэмиичэскэй сайдыы министиэристибэтин национальнай бырайыак чэрчитинэн үлэлиир урбаанньыттарга аналлаах бырагыраамалар испииһэктэригэр киирбитэ.

Дьахтар дьиэтин-уотун, оҕолорун көрөрүн-истэрин таһынан, биисинэһинэн дьарыктанара уустук дьыала. Билбэт-көрбөт буоллаҕына, ыарахаттары көрсөн, тохтоон хаалыан сөп. Ол иһин бу бырагыраама үөрэтэр хайысхалаах, бастаан саҕалыылларыгар үп-харчы биэрэн көмөлөһөр.

Ийэлэр сайаапкаларын алтынньы 12 күнүгэр диэри mama-predprinimatel.ru саайтка биэриэхтэрин сөп. Оҕо көрөн олорор, сокуоннай саастарын туола илик оҕолоох, эбэтэр сыл иһигэр бэйэ дьыалатын саҥа арыйан үлэлэтэн эрэр ийэлэр кытталлар. Дьүүллүүр сүбэ 35 бастыҥ сайаапканы талан ылбытын кэннэ, кыттааччылары Дьокуускайга бизнес-үөрэххэ ыҥыраллар.

5 күн устата кыттааччылар урбаанньыт оскуолатын ааһаллар. Түмүккэ бэйэлэрин биисинэс-былааннарын көмүскүүллэр, кыайыылаахха 100 тыһыынча солкуобайы биэрэллэр.

Урбаанньыт ийэ” бырагыраама Саха сиригэр үһүс сылын ыытыллар. Былырыын “Мастерская Крафт” бырайыактаах Ньургуйаана Петрова кыайбыта.

Ангелина Васильева, “Саха сирэ” хаһыат, edersaas.ru

Хаартыска: Sakha.gov.ru

+1
0
+1
0
+1
0
+1
0
+1
0
+1
0
+1
0