Ийэлэр күннэрин чэрчитинэн, 1 №-дээх өрөспүүбүлүкэтээҕи балыыһаҕа — мэдиссиинэ национальнай киинигэр, эдэр ийэлэргэ уонна саҥа төрөөбүт кырачааннарга национальнай бибилэтиэкэ кинигэнэн бэлэхтэри оҥордо.
Оҕо ааҕыытын тэрийэр киин уонна национальнай бибилэтиэкэ үлэһиттэрэ оҕолорго бэртээхэй кинигэлэри, ааҕааччы төрөөбүтүн туһунан сибидиэтэлистибэни уонна үһүгэр диэри саастаах оҕоҕо ананар литэрэтиирэлэр ыйынньыктарын бэлэмнээбиттэр. Бу иннинэ, перинатальнай кииҥҥэ 100 бэлэҕи туттарбыттар. Саҥа дьылы көрсө өссө сүүһү оҥорор былааннаахтар.
Дьиэ кэргэн ааҕар үгэһин бөҕөргөтөргө, оҕону кыратыттан кинигэҕэ сыһыарарга туһуламмыт «Книжное приданое» аахсыйа «Бары ааҕабыт» диэн уһун болдьохтоох социальнай суолталаах бырайыак иитинэн, 2020 сыл тохсунньу 13 күнүттэн ыытыллар. Тэрээһини национальнай бибилэтиэкэ СӨ Култуура уонна духуобунай сайдыы министиэристибэтин салайыытынан, СӨ Доруобуйа харыстабылын министиэристибэтин өйөбүлүнэн тэрийэр.
+1
+1
+1
+1
+1
+1
+1