Ийэ сылыгар аналлаах хаартысканан виртуальнай быыстапка

Бөлөххө киир:

Саха сирин Национальнай архыыбын официальнай саайтыгар Ийэ сылынан    «Саха сиригэр саха дьахталларын хамсааһыннарын устуоруйатыттан” уонна  «Саха сирин дьахталлара: Аҕа дойду улуу сэриитин бэтэрээннэрэ” диэн виртуальнай быыстапкалары сэргээн көрүҥ.

Өрөспүүбүлүкэҕэ үүммүт сылы СӨ Ил Дархана Айсен Николаев Ийэ сылынан  биллэрбитэ.

«Хаартысканан виртуальнай быыстапка уратыта – хаартыска пуондатыттан ылыллыбыт хаартыскалар аан бастакытын киэҥ эйгэҕэ көстөллөр», — диэн СӨ Национальнай архыыбын дириэктэрэ Петр Румянцев бэлиэтиир.

«Саха сиригэр саха дьахталларын хамсааһыннарын устуоруйатыттан”  диэн быыстапка  саха дьахталларын бастакы хамсааһыннарыгар ананар.   Актыбыыс дьахталлар үлэлэрин уонна кинилэр хаартыскаларын кытта билсиэххитин сөп.
Сэбиэскэй былаас өҥөтүнэн саха дьахталлара эр дьону кытта тэҥ бырааптанан уопсастыбаннай-бэлитиичэскэй олоххо кыттыһар буолбуттара. Үгүстэр ааҕар, суруйар кыахтаммыттара. Суруйар, ааҕар буолуу кинилэргэ ийэ уонна оҕо бэлиитикэтин салгыы сайыннарарга төһүү күүс буолбутун туһунан Национальнай архыыпка сырдаттылар.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0