Горнай улууһугар А. диэн гражданкаҕа суут бириигэбэрэ тахсыбыт.
Суут быһаарбытынан, бу ийэ буолуохсут 10 саастаах уолун кырыгыран туран кырбыыр адьынаттаах эбит. Бэл диэтэр, муоста сууйар швабранан кытары.
Арыгы иһиинэн үлүһүйэрин, оҕотун иитиинэн дьарыктамматын иһин административнай эппиэккэ хаста да тардылла сылдьыбыт, урут хаайыыга олоро сылдьыбыт дьахтары суут РФ Холуобунай кодексатын 161-с ыст. 2-с чааһын «в» пуунунан (халааһын) уонна 156-с ыстатыйанан (оҕотугар кырыктаахтык сыһыаннаһан, иитэр эбээһинэһи толорбот буолуу) буруйдааҕынан билинэн, 3 сыл 2 ыйга уопсай эрэсиимнээх холуонньаҕа көҥүлүн быһарга уурбут.
Бу туһунан СӨ Борокуратууратын пресс-сулууспата иһитиннэрдэ.
Вера МАКАРОВА, «Саха сирэ» хаһыат, edersaas.ru
Хаартыска: интернеттэн.
+1
+1
+1
+1
+1
+1
+1