Алтынньы 24 күнүгэр Медицина национальнай киинигэр саҥа төрөөбүт 15 оҕону балыыһаттан таһаарыы долгутуулаах түгэнэ буолла. Үөрүүлээх тэрээһин 1993 сылтан СӨ бэрэсидьиэнэ Михаил Николаев көҕүлээһинэн баар буолбут Ийэ күнүн чэрчитинэн ыытылынна.
edersaas.ru
Саҥа төрөөбүт кырачааннар ийэлэрин “Арассыыйа ийэлэрэ” хамсааһын эрэгийиэннээҕи отделениетын бэрэссэдээтэлэ Прасковья Борисова, СӨ үлэҕэ уонна социальнай сайдыыга миниистирин солбуйааччы Елена Теплякова, СӨ Доруобуйа харыстабылын министиэристибэтин кылаабынай акушер-гинеколога Екатерина Ушницкая, Дьокуускай куорат Думатын бэрэссэдээтэлэ Альберт Семенов, Дьокуускай куорат баһылыгын социальнай боппуруостарга солбуйааччы Наталья Степанова, ЗАГС управлениетын отделын исписэлииһэ Оделия Скрябина уо.д.а. эҕэрдэлээтилэр. Кинилэр ийэлэргэ уонна кырачааннарга бэлэхтэри туттардылар.
Медицина национальнай киинин Перинатальнай киинин кылаабынай бырааһа Татьяна Павлова үөрэ-көтө бэлиэтээбитинэн, Медицина национальнай киинигэр 50 игирэ төрөөбүтүттэн, икки ийэ 3 игирэни төрөппүт уонна 48 игирэ оҕо төрөөбүттэр. Кииҥҥэ оҕо төрөөһүнэ сылтан сыл аайы эбиллэ турар.
Надежда ЕГОРОВА, “Саха сирэ”, edersaas.ru
Мария ВАСИЛЬЕВА хаартыскаҕа түһэриилэрэ