Тэрилтэҕэ үп-харчы кырыымчыга, үлэ миэстэтин сарбыйыы уонна аҕыйатыы хас биирдии үлэһити долгутар. Тэрилтэҕэ үлэлии сылдьан баран, билигин оҕо көрөн олорор ийэлэр «суох кэммэр тэрилтэм сабыллан хаалыа, оччоҕо үлэтэ суох хаалыам» диэн эмиэ куттаналлар. Сокуон уларыйа турар кэмигэр кинилэр долгуйалларын өйдүөххэ сөп. edersaas.ru
Ол гынан баран, Саха Өрөспүүбүлүкэтигэр социальнай страховка пуондатын регионнааҕы отделениета иһитиннэрбитинэн, тэрилтэҕэ үлэлии сылдьан дэкириэтинэй уоппускаҕа барбыт ийэлэр долгуйалларыгар төрүөт суох. Тоҕо диэтэххэ, оҕотун көрөн олорор ийэ тэрилтэтэ үлэтин тохтоттоҕуна, моҥкурууттаатаҕына эбэтэр үлэлиир сирэ ханна көспүтэ биллибэт да буоллаҕына, ийэлэр сокуонунан көрүллэр биир кэмнээх пособиеларын толору ылаллар. Итинник түгэн тахсар да буоллаҕына, РФ социальнай страховка пуондатын регионнааҕы отделениетыгар кэлэн быһаарсыллар.
Бириэмэни харыстыыр уонна табыгастаах буоларын туһугар судаарыстыбаннай уонна муниципальнай өҥөлөр биир кэлим порталларын (www.gosuslugi.ru) көмөтүнэн туһаныахха эмиэ сөп.
Ону тэҥэ интэриэһиргиир ыйытыыларгытын пуонда регионнааҕы отделениетын www.r14.fss.ru саайтыгар «Судаарыстыбаннай өҥөлөр» түһүмэххэ көрүөххэ эбэтэр (4112) 500-333 нүөмэргэ эрийэн чопчулуохха сөп.
Надежда ЕГОРОВА, «Саха сирэ» хаһыат, edersaas.ru