Биллэр гинасткалар, Арассыыйа сүүмэрдэммит хамаандатын чилиэннэрэ игирэ Арина уонна Дина Авериналар бу күннэргэ Дьокуускайга ыалдьыттыыллар. Кинилэр Muus uSTAR ыччат бэстибээлигэр кытыннылар.
«Биһиги бүгүн мас-рестлины көрдүбүт, сахалыы остуол оонньууларыгар холоннубут, «Сокровищница Якутии» быыстапкаҕа уонна муус хаспахха сырыттыбыт, сырылаатыбыт. Манна туох барыта чугас турар эбит. Бэҕэһээ массыынанан айанныахтааҕар сатыы тиийбиппит быдан түргэн буолсу диэммит, хаампыппыт. Таһырдьа наһаа астык! Бар дьон үтүөнү баҕарарын, кэпсэтинньэҥин сөхтүбүт. Манна өссө кэлиэхпит», — диэн кыргыттар Саха сиригэр сырыыларын туһунан санааларын үллэстэллэр.
+1
+1
+1
+1
+1
+1
+1