ИЭФ көһө сылдьар сессията: Айсен Николаев өрөспүүбүлүкэ бырайыактарын инвестордарын кытта көрүстэ
ИЭФ көһө сылдьар сессията: Айсен Николаев өрөспүүбүлүкэ бырайыактарын инвестордарын кытта көрүстэ.
Дьокуускайга “Арассыыйа Уһук Илиҥҥи сайдыытыгар норуоттар икки ардыларынааҕы үп тэрилтэлэрин көмөлөрө” Илиҥҥи экэнэмиичэскэй форум сессиятын кэмигэр от ыйын 29 күнүгэр Саха сирин баһылыга Айсен Николаев норуоттар икки ардыларынааҕы үп тэрилтэлэрин салайааччыларын кытта көрүстэ.
Чуолаан, Айсен Николаев Евразиятааҕы сайдыы баанын 1 блогун салайааччыта Всеволод Смаковы кытта кэпсэттэ. Кини Дьокуускайга уу саҥа водозаборун тутууну үбүлээбитин иһин махтанна уонна Арассыыйа Бырамыысыланнай эргиэҥҥэ министиэристибэтин кытта олоххо киллэриллэр ис уу суолларын аныгы өрүс флотун тэрийиигэ кэлимсэ инвестиционнай бырайыак туһунан кэпсээтэ. Ол эбэтэр үрдүк технологиялаах Жатайдааҕы судоверфь туһунан этиллэр, маны тутууну эмиэ баан үбүлүөн сөп.
Өрөспүүбүлүкэ баһылыга Аныгы баан сайдыытын бэрэстэбиитэлэ Игорь Ковтуну кытта эмиэ көрүстэ. Өрүттэр инженернэй инфраструктураны сайыннарыыга инвестиционнай бырайыагы үбүлээһини дьүүллэстилэр. Чуолаан, ууну биэрэр узелы, канализационнай коллекторы тутууну уонна ититэр ситим эбиийэктэрин саҥардыыны.
Көрсүһүүлэр түмүктэринэн инвестиционнай бырайыактары олоххо киллэриигэ анаммыт кэпсэтиилэр быйыл балаҕан ыйыгар Владивостокка ыытыллар Илиҥҥи экэнэмиичэскэй форум былаһааккаларыгар салгыы дьүүллэһиллиэхтэрэ.
Саха Өрөспүүбүлүкэтин Ил Дарханын уонна бырабыыталыстыбатын пресс-сулууспата