Саха сиригэр “Идэ – ОЛОХ” медицина эдэр үлэһиттэригэр сыл аайы ыытыллар куонкурус саҕаланна.
edersaas
Өрөспүүбүлүкэтээҕи IV куонкуруһу СӨ Доруобуйа харыстабылын министиэристибэтэ Ыччат бырабыыталыстыбатын кытары СӨ Ыччат дьыалаларыгар уонна социальнай коммуникация министиэристибэтин, РФ доруобуйа харыстабылын үлэһиттэрин профсойууһун өрөспүүбүлүкэтээҕи тэрилтэтин өйөбүллэринэн ыыталлар.
Куонкурус соруга – эмчит идэтин престиһин үрдэтии, эмтиир тэрилтэлэргэ үлэлиир эдэр исписэлиистэри өйөөһүн.
СӨ Доруобуйа харыстабылын министиэристибэтэ иһитиннэрбитинэн, куонкуруска эдэр быраастар, биэлсэрдэр, фармацевтар уонна орто медицинскэй сүһүөх үлэһиттэр (35 саастарыгар диэри) кытталлар. Хамыыһыйа быһаарыытынан, 10 номинацияҕа кыайыылаахтар быһаарыллыахтара. Түмүккэ финалистар ортолоругар «СӨ бастыҥ эдэр бырааһа”, «СӨ сиэстэрэ дьыалатын бастыҥ эдэр исписэлииһэ” ааттаныахтара. Кыайыылаахха идэтин үрдэтинэригэр путевка уонна сыаналаах бириистэр бэриллиэхтэрэ.
“Идэ – ОЛОХ” кыттарга доруобуйа харыстабылын эйгэтигэр социальнай суолталаах бырайыагы киллэриэххэ наада. Сайаапкалар бу дьыл кулун тутар 4 күнүгэр диэри ылыллаллар. Бастакы (кэтэхтэн) түһүмэх түмүктэрэ кулун тутар 12 күнүгэр тахсыахтара.
Куонкурус туһунан иһитиннэриини, сайаапка былааҥкатын уонна мэктиэлэри бу сыылканан билсиҥ:
https://cloud.mail.ru/public/98KY/npxUh9P7p
Надежда ЕГОРОВА, “Саха сирэ” хаһыат, edersaas.ru