Лоп курдук биир сыл анараа өттүгэр үөрэх аныгылыы эйгэтэ — СӨ Идэҕэ урутаан бэлэмниир киинэ аанын аспыта. Идэҕэ урутаан бэлэмниир киин (ЦОПП) аныгы тэриллээх үлэлиир зона эрэ буолбакка, эрэгийиэн идэҕэ үөрэтэр бары систиэмэтин уларытыыга сирдиир стартегическай өттүнэн суолталаах, эрдэттэн толкуйдаммыт көхтөөх, быһаччы салаа буолар.
Сыл устата тустаах киин хамаандата интэриэһинэй бырайыактары олоххо киллэрдэ, бииргэ үлэлэһэр тэрилтэлэрин ахсаанын кэҥэттэ уонна эрэгийиэн үөрэҕин систиэмэтигэр суолталаах кыттааччы быһыытынан билиннэ.
Бүгүн идэҕэ урутаан бэлэмниир киин биир сыллааҕы үлэтин түмүгүн сыыппаранан маннык көрдөрүөххэ сөп:
— Ааспыт уонна ааһан эрэр сыл бастакы аҥаарыгар киин бырагыраамаларынан 4 тыһ. тахса киһи, оҕону идэҕэ салайыы үлэтинэн 6-11 кылаас 14 тыһ. үөрэнээччитэ, 70 тэрээһиҥҥэ 16 тыһ. тахса олохтоох кытынна.
— Идэҕэ бэлэмниир 48 бырагырааманы оҥордулар;
— Киин тэрийбит бырагыраамаларынан 2362 истээччи үөрэҕи ааста;
— 700-тэн тахса үрдүкү кылаас үөрэнээччитэ Бастакы идэлэрин ыллылар;
— Биэнсийэҕэ тахсыан иннинээҕи саастаах 256 киһиэхэ үөрэҕи тэрийдибит.
Күн бүгүн бииргэ үлэлиир тэрилтэлэрин кытта кэккэ бырайыактары оҥордулар:
— Улуус олохтоохторун оробуочай идэлэргэ үөрэтэр инниттэн СӨ Ыччат бырабыыталыстыбатын кытта “Пуск көһө сылдьар үөрэтэр-тутар кэмбинээт” диэн бырайыагы олоххо киллэрдибит. Бастакынан холонон көрүү түмүгэр, Горнай улууһун 16 олохтооҕо оробуочай идэни баһылаата.
Ыччат идэтин хайысхатын сөпкө таларыгар уонна дуоһунаска сайдыытыгар бэлэмниир туһугар, үлэ ырыынагар туох уларыйыылар баалларын эрдэттэн билиһннэрэр, идэҕэ туһаайыыга салайар, сырдатар туһугар эрэгийиэннээҕи “СӨ ирдэнэр идэлэригэр сирдээччи” («Гайд по востребованным профессиям Республики Саха (Якутия)» диэн идэ бастакы аналитическай сурунаала оҥоһулла сылдьар.
Саха сиригэр ордук ханнык идэлэр ирдэнэллэрин уонна кэскиллээхтэрин быһаараары тустаах киин 4 форсайт-сиэссийэни, 4 дириҥ интервьюну тэрийдэ, манна экэниэмикэ салаатын 138 бэрэстэбиитэлэ кытынна.
Эрэгийиэннээҕи бырайыактары таһынан, Идэҕэ урутаан бэлэмниир киин федеральнай бырайыактарга хото кыттар.
2020-2021 сылларга эрэгийиэннээҕи оператор оруолун “Персональные цифровые сертификаты” уонна “Билет в будущее” федеральнай бырайыактарга боруобалаан көрдүлэр.
Быйыл “Содействие занятости” уонна “Социальные контракты” бырайыактарынан киин эрэгийиэннээҕи оператор кыттааччытын быһыытынан көҕүлээтилэр.
“Содействие занятости” бырайыак иитинэн, Саха сирин идэҕэ бэлэмниир 20 тэрилтэтэ үөрэтэр киин быһыытынан кытталлар уонна Ворлдскиллс хайысхатынан 121 үөрэх бырагырааматыгар үөрэтэллэр.
“Государственная поддержка на основании социального контракта” бырайыак олоххо киириитигэр биһиги кииммит “Үөрэх” хайысхатыгар эрэгийиэннээҕи кураторынан ананна. Өрөспүүбүлүкэ 26 орто үөрэҕин тэрилтэтэ социальнай хантараахтаах дьону үөрэтэргэ бэлэм уонна 500-тэн тахса үөрэх бырагырааматыгар ыҥыраллар.
Саамай сүрүнэ, ааһан эрэр сылга СӨ Идэҕэ уруутан бэлэмниир киинэ эрэгийиэн идэҕэ бэлэмниир үөрэҕин систиэмэтин сайдыытын хамсатар күүһүнэн (драйверынан) буолар кыахтааҕын уонна үөрэх сайдыытыгар саҥа сүүрээни киллэрэрин итэҕэттэ.
СӨ Идэҕэ урутаан бэлэмниир киин пресс-сулууспата.