Өрөбүллэргэ Дьокуускай куорат олохтоохторун уонна ыалдьыттарын «Идэһэ» дьаарбаҥка ыҥырар.
Атыы-тутуу СӨ Тыа хаһаайыстыбатын министиэристибэтин территориятыгар ыытыллар диэн тустаах министиэристибэ пресс-сулууспата биллэрэр.
Үгэс курдук, сибиэһэй эт, балык арааһын, иҥэмтиэлээх ас-үөл талбытын Амма, Чурапчы, Мэҥэ Хаҥалас, Хаҥалас улуустарыттан киллэриэхтэрэ.
Маны сэргэ, тэрийээччилэр дьаарбаҥкаҕа «Булуҥ» МУТ, «Ас-рыба», «Хоту Балык», Кобяйская рыба», «Севернай» ХЭУо уонна Анаабыр улууһуттан кыттыыны ылыахтара диэн иһитиннэрэллэр.
Дьаарбаҥка Курашов уулуссатын 28 №-гэр (Тыа хаһаайыстыбатын министиэристибэтин тиэргэнэ) сэтинньи 14-15 күннэригэр 10.00 чаастан киэһээ 17.00 чааска диэри салҕанар.
Санатан эттэххэ, дьаарбаҥканы «Якутские продукты» ТХПК 12-с төгүлүн СӨ Тыа хаһаайыстыбатын министиэристибэтин өйөбүлүнэн тэрийэр.
Тэрийээччилэр дьаарбаҥка атыытыгар-тутуутугар кэлээччилэргэ мааскаланаргытын, бэрчээккилэнэргитин, харыстанар сириэстибэлэри туһанаргытын итиэннэ бэйэ икки ардыгар тэйиччи буолууну тутуһаргытын санатар.
+1
+1
+1
+1
+1
+1
+1