САССР үтүөлээх бырааһа, медицинскэй наука кандидата Л.И. Матвеева төрөөбүтэ 75 сыла (1942-2007)

Людмила Ильинична Матвеева 1942 сыллаахха Нам улууһун Бөтүҥэр төрөөбүтэ. 1964 сыллаахха Дьокуускайдааҕы Судаарыстыбаннай университет медицинскэй факультетыгар үөрэнэ киирэр. 1970 сыллаахха ситиһиилээхтик бүтэрэн, сэллиги эмтиир оҕолор өрөспүүбүлүкэтээҕи санаторийдарыгар ординатор-бырааһынан ананар. Кэскиллээх исписэлииһи Москваҕа аспирантураҕа үөрэттэрэ ыыталлар. Аспирантура кэнниттэн санаторий кылаабынай бырааһынан ананар. 1981 сыллаахха Л.И.Матвеева «Выявление, профилактика и лечение туберкулеза у детей из семейных очагов инфекций» диэн тиэмэҕэ кандидатскай диссертациятын көмүскүүр. Кини сыралаах үлэтин түмүгэр оҕо санаторийа профилактика улахан киинигэр кубулуйда.