Сергей Зверев-Кыыл УОЛА аатынан Национальнай үҥкүү тыйаатыра бэйэтин YouTube ханаалыгар көрдөрөр испэктээктэриттэн бүгүн «Хотугу сулус туһунан номох» уонна “Атыыр муҥха” испэктээктэри көрөргүтүгэр ыҥырабыт!
“Хотугу сулус туһунан номох”
(И.Гоголев-Кындыл “Араҥас сулус” поэматынан испэктээк)
Премьера 2011 с. ахсынньы 20 күнүгэр буолбута
Туруорааччы-режиссер – Лена Иванова — Гримм
Муусука ааптардара — Клавдия уонна Герман Хатылаевтар
Туруорааччы-хореограф – Егор Максимов
Туруорааччы-худуоһунньук —Лена Гоголева
Түүҥҥү халлааҥҥа сэттэ чаҕылхай сулуһу үгүстүк сөҕө-сэргии көрдөххүт… Урут-уруккуттан сахалар ити сулустары Араҥас сулус диэн ааттыыллара. Чаҕылыйа умайан, ыраас, үйэлээх таптал туһунан номоҕу сэһэргээ, Хотугу сулус!
Кылгас ис хоһооно
Хотугу халлаан анныгар үс ини-бии булчуттар олорбуттар. Арай биирдэ уолаттартан кыралара Дьэргэлгэн, хотугу сир диэки бара сылдьан, өрүс кытылыгар, Хотугу муустаах акыйаан хаһаайкатын Дьыбарсын кыыһын кэрэттэн-кэрэ Кыыдаана курус санааҕа ылларан турарын көрбүт…
Тапталга куустарбыт уол Кыыдаананы кэргэн кэпсэтээри, Дьыбарсыҥҥа тиийэр. Хара санаалаах Дьыбарсын, сөбүлэспитэ буолан, уолга мөһөөччүк биэрэр уонна кыыстыын холбоһор бастакы түүннэригэр эрэ аһарыгар этэр. Онтон Дьэргэлгэн Кыыдаанаттан, Дьыбарсын кини төрөппүт ийэтэ буолбатаҕын туһунан хараҥа кистэлэҥи билэр. Дьыбарсын Кыыдаананы, бэйэтин муус саарыстыбатыгар эдэр дьону мэҥиэлээн аҕалтараары, уоран ылбыт эбит… Кини, киһи-аймахха аас-туор олоҕу, тымныыны, эрэйи-кыһалҕаны, ыарыыны ыытаары, сымыйанан сөбүлэспитэ буолбут. Дьэргэлгэн Кыыдаанаҕа, төрөөбүт-үөскээбит дойдутуттан араҕан, кинини кытта барсарыгар этии киллэрэр. Аара суолга кинилэри тыал ситэн ылар… Дьэргэлгэн олох туһугар охсуһууга турунар. Бу – дьиҥнээх, күүстээх таптал туһунан номох.
«Атыыр мунха»
(3 хартыыналаах, норуот кыттыылаах испэктээк)
Премьера 1998 сыл муус устар 30 күнүгэр буолбута.
Композитор – Николай Берестов
Либретто ааптара, туруорааччы-режиссер – Афанасий Федоров
Туруорааччы-хореограф – Геннадий Баишев
Туруорааччы-худуоһунньук – Мария Ядрихинская
Туруорааччы-дирижер – Николай Петров
Хореограф ассистена – Людмила Антипина
“Атыыр мунха” – бу балет аата бэйэтэ даҕаны этэр – көрөөччүнү дьон-сэргэ үгэс буолбут күүтүүлээх күндү түгэнэ – муҥха үөрүүтэ, оҕо эрдэхтэн билэр собоҥ миинин дыргыйар сыта – норуот бырааһынньыга күүтэр!