Бүгүн, ыам ыйын 23 күнүгэр, “Хотугу Синергия-2017” ыччат форума тэрээһинин туһунан кэпсэттилэр. Манна ыччат миниистирин бастакы солбуйааччы Василина Лукина хайысхалар салайааччылара быйыл туох уларыйыы тахсыбытын, хайдах үлэ бара турарын билиһиннэрдилэр, боппуруостарга хоруйдаатылар.
Форум от ыйын 26-30 күннэригэр Хаҥалас улууһун “Орто дойду” сиригэр буолар. Быйыл сэттэ хайысха үлэлиэҕэ:
1. “Ыччат түмсүүлэрин салайааччылара”
2. “Эдэр урбаанньыттар”
3. “Арктика Экологията”
4 “IT – Synergy”
5. “Мин – Инженербин”
6. “Үлэһит ыччат”
7. “Волонтер оскуолата”
Сайаапканы икки көрүҥүнэн бириэххэ сөп: бастакынан – сайт нөҥүө. Ыам ыйын 11 күнүттэн электроннай регистрация саҕаламмыт (https://ais.fadm.gov.ru/event/3868). Иккиһинэн – анкетаны ыйыллыбыт форманан толорон ыытыы.
Сиһилии бу аадырыска киирэн билсиҥ: https://minmol.sakha.gov.ru/osnovnye-sobytija/molodezhnyj-obrazovatelnyj-forum-sinergija-severa