Өлүөнэ өрүс мууһа номнуо Булуҥ улууһугар тиийдэ. Көмүөл аллараа кырыыта Хабаров аатынан метеостанция таһынан устар, уу таһыма 725 см, кутталлаах таһымҥа тиийбэт. Оттон үөһээ кырыыта Күһүүр таһынан устар, уу таһыма 2112 см (кутталлаах таһым 3150 см). Муус 315 км сиринэн тайаан устар. Өрүс төрдүгэр муус икки-үс хонугунан эстэрэ күүтүллэр.
edersaas.ru
Халыма өрүс мууһун алын кырыыта Черскэйтэн 75 км аллараа сытар, уу таһыма 473 см (кутталлаах таһым 600 см). Муус 65 км сиринэн тайаан устар. Походскай бөһүөлэк таһынан уу таһыма 231 см бэлиэтэммит (кутталлаах таһым 260 см).
Алаһыай өрүс мууһун алын кырыыта Андрюшкино бөһүөлэктэн 70 км аллараа баара бэлиэтэммит. Уу таһыма — 603 см (кутталлаах таһым 1000 см).
— Халыма бөлөх улуустарыгар, ол иһигэр Орто Халыма куоракка, Халыма, Черскэй бөһүөлэктэргэ 45 киһилээх бөлөх тэрилиннэ. Ол иһигэр 16 идэтийбит быыһааччылар үлэлииллэр. 6 устар, 2 көтөр тиэхиньикэ бэлэмнэр. Сыаны быһан эттэххэ, Дьааҥы, Индигиир өрүстэргэ гидрологическай турук кутталы үөскэппэт, өрүстэр таһымнара кутталлаах таһымҥа тиийбэттэр – диэн Саха сиригэр ЫБММ сүрүн салалтатын салайааччыта Павел Гарин иһитиннэрдэ.
Индигиир өрүс мууһун алын кырыыта Чокуурдаах бөһүөлэктэн 70 км аллараа бэлиэтэммит. Уу таһыма — 678 см (кутталлаах таһым 913 см). Муус 70 км сири тайаан устар. Өрүс муустан бу нэдиэлэҕэ ыраастанара күүтүллэр.
Дьааҥы өрүс мууһун алын таһыма Нижнеянскай бөһүөлэктэн 10 км аллараа сиргэ бэлиэтэммит. Уу таһыма — 352 см (кутталлаах таһым 450 см). Бэс ыйын маҥнайгы биэс хонугар муус барыыта түмүктэнэрэ күүтүллэр.
«Саха сирэ» хаһыат, edersaas.ru
Хаартыска sakha.gov.ru