«Хотугу өлбөт-сүппэт полк удьуора» диэн II өрөспүүбүлүкэтээҕи онлайн-аахсыйа ыытылынна
Улуу Кыайыы күнүн көрсө СӨ төрүт олохтоох аҕыйах ахсааннаах норуоттарын ассоциациятын уонна СӨ тас сибээскэ уонна өрөспүүбүлүкэ норуоттарын дьыалаларыгар министиэристибэтин өйөбүлүнэн СӨ Норуоттар доҕордоһууларын дьиэтигэр «Хотугу өлбөт-сүппэт полк удьуора» диэн II өрөспүүбүлүкэтээҕи онлайн-аахсыйаны ыыттылар.
Онлайн- аахсыйа кыттыылаахтара Саха сирин араас оройуоннарыттан «Хотугу өлбөт-сүппэт полк удьуордара» диэн аймахтарын, биир дойдулаахтарын, тыыл бэтэрээннэрин хаартыскаларын тутан, кинилэр туһунан иһитиннэриилэри оҥордулар.
Аахсыйа Аҕа дойду улуу сэриитин саллааттарын хорсун быһыыларын үйэтитии, сэрии ыар дьылларыгар үлэ күүһүнэн кыайыыны уһансыбыт биир дойдулаахтарбытыгар, норуот хорсун, дьоруойдуу быһыытын туһунан өйдөбүлү умнубакка илдьэ сылдьар, аныгы ыччаты уонна кэлэр көлүөнэни дойдуга бэриниилээх буолууга иитэр сыаллаах ыытыллар.
Идиэйэ ааптардара — Ольга Охлопкова уонна Анастасия Куличкина.
Тиэкиһи ааҕар: Ангелина Антонова, Дьокуускай куорат 29 нүөмэрдээх оскуолатын 9 кылааһын үөрэнээччитэ, «Гиркилэн» фольклор ансаамбылын кыттыылааҕа.
+1
+1
+1
+1
+1
+1
+1